Kalsethola

I dag har vi vore på ein liten fjelltur til Kalsethola. Kvifor det heiter Kalsethola, veit eg ikkje, ikkje er der noka hole heller, men ein fin liten fjelltur er det. 

Det er skogsveg heile vegen og flott og fint å gå for små føter som skla bli glade i naturen :)

Det er ei flott utsikt over Volda og ein ser langt utover Voldsfjorden.

Joakim sprang nesten heile vegen opp, og sat og venta på oss på ein stor stein då vi kom oppover bakkane.

Ein fin plass å sitte å skue utover Volda på.

Benedicte fann seg ein trestubbe som passa fint til stol.

Du store mi tid for ei familie. Ja ja, slik er det iallefall vi ser ut i dag.

Eg har som eit lite mål for meg sjølv om at eg skal prøve å kome meg på fjellet tre gongar i veka. Denne veka klarte eg det akkurat. Rotsethornet på mandag, Skåla på torsdag og i dag i Kalsethola. Då gjenstår det berre å sjå om eg klarer å gjennomføre dette kvar veke utover vinteren og våren. 

No er det sløving på sofaen, klarer liksom ikkje heilt å kome igong med noko.

Ha ein avslappande og kjekk søndagskveld :)

Hest er best...

.... eller noko slikt. 

Eg må innrømme at eg er litt småredd desse store, flotte dyra. eller det er vel litt meir skrekkbland fryd, for det ser unekteleg veldig kjekt ut å drive med hest.

I dag har vi vore på open dag på eit hestesenter. Benedicte er litt skeptisk når det kjem til det å klappe hesten, men når det kjem til riding - ja, då er ho i paradis.

Litt skummelt, men ho turde til slutt. "Åh, kor mjuk og varm den va"


Det var mange som ville ride, men vi venta tolmodig i kø.

Endeleg godt plassert på hesteryggen :) 

LYKKE for ei lita jente som synest at hest er best!

No sit eg godt planta framfor ovnen og prøvar å få i meg varmen før eg skal ha meg ei runde med kjøkkenteneste og kokkelere litt taco

Ha ein fin laurdagskveld :)

kjøkkenteneste

Når ingen får med seg at lissjesnuppa vil ha sjokomelk, ja, då tek ho saka i eigne hender.

Flinke Benedicte ordnar ut og miksar seg ei tjukk og god sjokomelk sjølv.

No skal vi berre vaske av sjokobarten og kome oss i kleda, vi må ein tur ut for å kjøpe nye regnkle til Benedicte. Dei me kjøpte i haust er hol i allereie - så denne gongen kjøper vi noko anna enn Vill.

Håper alle saman har ein kjekk laurdagsformiddag.

 

Detaljar frå kjøkkenet

Her kjem dagens siste blogginnlegg frå Livet hos meg. i forrige innlegg lova eg å vise litt bilder frå kjøkkenet og stua vår, her kjem dei :)

ja ja, eg er ingen fotograf ser eg...

hadde heilt glømt at eg hadde nokre skåler frå Pip, men så kom eg over dei her ein dag eg rydda litt i eit skap :) No står eine på kjøkkenbordet med nokre kjeks, og den andre 10 cm frå meg med masse smågodt :)

Eg har vore ein tur på Plantasjen og handla litt blomster, så akkurat no er dei så fine at det er ei fryd - så får vi sjå kor dei ser ut om ei veke...

Nye kjøkkengardiner har eg også fått i dag. Dei var det faktisk Arild som plukka ut og kjøpte. Må få vere med å bestemme litt han også ;)

Dette siste bildet er frå stua vår. Skal kome tilbake med fleire bilder herifrå ein annan dag, må berre få flytta ein spegel først.

 

Ha ein fin fredagskveld og ein lang og lat laurdagsmorgon i morga

Blir GAL!!!!

No er det like før eg blir gal, ikkje sånn på ekte, men på alle teite bloggkommentarar som florerar rundt om på dei aller fleste bloggar. 

Dei kommentarane eg siktar til er desse: digger bloggen din, kommenter tilbake?, fin blogg, kommenter gjerne tilbake, og sikkert mange flere i samme sjanger. Kva er egentlig poenget? Å få fleire lesarar? då er dei komne til feil bloggar iallefall. Eg går ALDRI inn på bloggar som har posta slike søppelkommentarar i mine kommentarfelt. 

Sånn, no har eg sagt det og eg reknar med at eg har mange med meg som er enige. 

Nytt blogginnlegg er under planlegging og kjem i løpet av kvelden, så heng med. Det blir litt bilder frå kjøkkenet og litt frå stua - trur eg. ;)

Ha ein strålande fredagskveld alle kjekke folk som legg igjen meiningsfulle og gode ord på bloggen min :)

Kveldsstemning i Grepalia

No har eg planta meg godt ned i sofaen og har ikkje tenkt å gjere det slag resten av kvelden, ja anna enn å kose meg og slappe av. Benedicte er godt i gang med kveldsmaten og Joakim har blitt fotballnerd og sit på lissjesova og ser på Afrikamesterskap i fotball, Arild har vakt på skisenteret og eg berre kosar meg. LYKKE!

Interiørstigen er det ei lokal dame som har laga til meg, og eg likar den kjempegodt. 

Desse lysa er kanskje litt julete, men det bryr eg meg ingenting om. Og når Joakim hadde kompisbesøk i går, vart den kommentert som dritfin av 10-åringen som var på besøk, så er den vel det da - dritfin.

Denne flotte duken i hardangersaum, fekk eg i julegåve av pappaen min, og det beste av alt - det er han som har brodert den :) så denne er eg utruleg glad i.

No ropar prinsessa på meir mat, så då er det vel berre å springe til kjøkkenet og mekke eit kvart - rista skive var det visst.

 

Ha ein strålande kveld alle kjekke lesarar.

flott tur i sola

Vi er så heldige å ha flotte turmoglegheiter rett utanfor stovedøra, så her er inga unnskyldning for å ikkje benytte seg av den. Sola skin og gradestokken viser faktisk ei fattig lita plussgrad. Fantastisk!

I dag traska eg meg ein tur oppi Skåla, vegen opp er bratt og går rett opp - her får ein fort opp pulsen og kondisen kjem raskt. 

Eit stykke opp i vegen er det laga til slik at ein kan drikke litt friskt og kaldt fjellvatn. Utruleg nok har det ikkje frose, sjølv om det har vore minusgrader så lenge eg kan huske.

fine Ørsta ligg i skuggeland enda, men i høgda skin sola :)

Kanskje blir det ein tur på fjellet heilt til venstre om ikkje så lenge. Eg håpar på det, der er så flott utsikt.

Dette fjellet skal eg iallefall bestige i løpet av året, men eg ventar til snøen har smelta, for skiferdigheitene mine er ikkje akurat så gode når det blir så bratt. Likar meg best på bortoverski i slakke nedoverbakkar. Dett ein på ski her, då er det gjort, då siglar ein nesten heilt ned i fjorden.

Det er så deilig å benytte seg av desse flotte turmogleghietene her, og eg finn stadig nye og flotte turmål i distriktet, så det blir nok ein del turbilder her på bloggen etterkvart.

Ha ein strålande torsdagskveld - i morgon er det helg :) 

dilla på luksus

Vart litt inspirert av eit innslag i God morgen Norge i dag, og her kjem mi moralpreike opp i det heile...

Reportasja handla om at born og ungdom får seg vinterjakker til prisar heilt opp til 8000 kroner. Kva er fornuften i dette? Er det slik at dei dyraste jakkene er dei varmaste, trur ikkje det nei, og det kunne for så vidt moteeksperten i God morgen Norge-studioet bekrefte også.

Eg meinar at foreldre som kjøper desse dyre jakkene det her er snakk om, til borna sine - må begynne å tenke på framtida til borna sine. Ingen treng ei jakke til 8000 kroner, og er ein i den heldige situasjonen at ein kanskje har tre tenåringar som MÅ ha ei slik jakke, ja då skal ein ha ei rimeleg bra løn.

Det er ikkje det at eg ikkje unnar folk litt kvardagsluksus, det likar eg godt sjølv også, men ein må begynne å bruke hovudet litt når ein gir slike signal til borna sine om at kun dei dyraste og mest populære merka er dei beste. Dersom ein gir etter for alle ønsker, trur borna at pengane berre dett ned frå himmelen. Unge menneske som får alt dei ønsker, har sjeldan råd til å oppretthalde forbruksnivået sitt når dei flyttar heimafrå. Det endar fort med kredittkortgjeld og forbrukslån i stadenfor eigen bustad.

Det må vel vere mykje kulare å ha råd til å kjøpe ei eiga leiligheit når du er 24 år, eller heller ha skapet fullt av dyre sko, vesker og jakker. Kanskje foreldra kan sette pengane inn på ein BSU-konto til borna sine i stadenfor å kjøpe desse dyre merkekleda. 

Dette var dagens hjartesukk frå mi si side, beklagar om det er støtande for enkelte, men dette er det eg meinar.

Lille ballerina

Vi har ei lita ballerina i hus. 

Ho elskar ballerinadrakter og strutteskjørt. Gleda var difor stor då ho fekk plass i ei ballettklasse for førskuleborn. Etter første ballettimen, gret ho heile vegen heim fordi det var ei heil veke til neste gong ho skulle på ballett.

Ei spent lita frøken, klar for sin andre ballettime.

Litt øving før vi kjøyrer på øving

No er det ei heil veke til neste ballettime, men vekene flyg avgarde så plutseleg er det onsdag igjen.

Ferdig med vekas øving og klar til å reise heim att. Etter ein time med djup konsentrasjon og mykje ballansetrening, er det kjekt å få tulle og tøyse litt.

 

Dette vert dagens siste innlegg frå meg, men eg er tilbake i løpet av morgondagen. Sov godt kjære lesarar, i morgon er ein ny dag med blanke ark :)

Tigerjenta mi :)

Etter inspirasjon frå ein koseleg blogg http://stussli.blogg.no/ legg eg ut bilde av tigerprinsessa mi.

Bildet er tatt i sommar, då vi var på vår jomfrutur med campingvogn. På ein kjekk campingplass var det diverse aktivitetar for born, og ein av dei var ansiktsmaling. 

Her er det bikkjekaldt ute og eg sprengfyrer i ovnen og prøver å gjere meg klar for dagens gjeremål. 

 

Les mer i arkivet » Januar 2013 » Desember 2012 » November 2012
livethosmeg

livethosmeg

38, Ørsta

Som firebarnsmor og mormor, er dagane til tider hektiske. Dei to eldste borna har forlatt redet og dei to yngste er fortsatt trygt og godt plassert i heimens lune rede. Eg har til tider mange jarn i elden når det gjeld å produsere div. handarbeidssaker og er ikkje like flink til å gjere dei ferdige... Eg kosar meg i mitt eige selskap på diverse fjellturar i nærområdet, her er berre så mange flotte toppar å bestige, anbefalar alle ein tur til dei vakre sunnmørsalpane. Livet mitt består både av gleder og sorger, medgang og motgang, men prøvar å lande med beina først og satsar på at ting ordnar seg for kjekke jenter. Håper bloggen min fell i smak og at de finn glede i å følgje kvardagen vår.

Kategorier

Arkiv

Siste innlegg

Siste kommentarer

Lenker

Arkiv

Denne tjenesten er levert av blogg.no. Hos oss finner du:

hits